Çfarë është testi Pisa?

  Programi për Vlerësim Ndërkombëtar të Nxënësve i njohur si PISA është projekt i Organizatës për Bashkëpunim dhe Zhvillim Ekonomik (OECD), i cili mbahet çdo tri vite. PISA u organizua për herë të parë në vitin 2000 ku morën pjesë 43 shtete dhe këtë vit (2018) do të mbahet cikli i shtatë i këtij testi ku marrin pjesë 70 shtete. PISA nuk analizon vetëm nëse nxënësit kanë mësuar atë që ju është ligjëruar, por gjithashtu vlerëson nëse studentët mund të përdorin në mënyrë kreative dhe kritike atë që dinë. Pra, ky studim mundëson krahasimin ndërkombëtar të vlerësimit të arritjes së studentëve, vlerëson dijen e lidhur me situata reale, ashtu si përgatitjen edhe aftësitë për pjesëmarrje në shoqërinë e të rriturve. PISA ndihmon qeveritë të krijojnë politika efektive arsimore duke u bazuar në rezultatet e këtij studimi.

    Nga secili shtet që merr pjesë në PISA përzgjidhet një mostër reprezentative e nxënësve 15-vjeçarë që i nënshtrohen testit. Prandaj, konsiderohet se rezultatet reflektojnë gjendjen reale të sistemit të arsimit dhe mundësojnë krahasimin në mes të shteteve. Kjo matje bëhet në tri disiplina/fusha: në lexim, në matematikë dhe në shkenca të natyrës. Në secilin cikël të PISA-s, një nga fushat është në fokusin kryesor të vlerësimit, pra është “fusha kryesore”. Fushat kryesore sipas cikleve të studimit gjatë viteve kanë qenë si në vijim:

    Ky studim ka tri nivele të vlerësimit:

• Përmbajtja: kuptimi themelor i materialit;
• Progresi: mendime më komplekse siç janë interpretimi dhe analiza;
• Konteksti: aplikimi i njohurive në situata të jetës reale.

  Në vitin 2015, PISA është mbajtur për herë të gjashtë, ku si pjesëmarrëse ishte edhe Kosova në kuadër të 72 shteteve. Fusha kryesore atë vit ishte tek shkencat e natyrës. Këtij testi iu nënshkruan 5,161 nxënës nga 225 shkolla. Rezultatet e këtij testi u publikuan një vit më vonë. Nga 72 vende pjesëmarrëse, në fushën e leximit Kosova u radhit në vendin e fundit, ndërsa në Matematikë dhe Shkenca të Natyrës në vendin e 70. Kosova ka marr pjesë edhe këtë vit në PISA me 5,370 studentë nga 211 shkolla. Rezultatet e këtij testi do të publikohen në dhjetor të vitit 2019.

Referencat:

http://www.oecd.org/pisa/aboutpisa/

http://www.erc.ie/studies/pisa/what-is-pisa/

http://www.moe.gov.bn/PISA%20Downloads/PISA_ENG_LATEST%20Brochure.pdf

https://sbunker.net/op-ed/88432/pisa-ndash-tronditja-dhe-pisa-ndash-kendellja/