Aktor/-e

Aktorët luajnë role dhe pjesë në TV, radio, skena, filma dhe mjedise të tjera për argëtim. Ata luajnë këto role dhe pjesë duke përdorur gjuhën e trupit dhe të folurit për të paraqitur një tregim ose karakter bazuar në udhëzimet e regjisorit dhe skriptat.

• Bashkëpunimi me regjisorët, aktorët, dramaturgët dhe anëtarët e tjerë të ekipit për të gjetur interpretim më të mirë të roleve
• Përgatitja dhe analizimi i skriptës për të mësuar përmendësh dhe interpretuar rolet
• Paraqitja e roleve dhe pjesëve duke përdorur zërin, lëvizjet trupore dhe gjestet
• Argëtimi i audiencës me shfaqje dramatike ose komike dhe këndimi/vallëzimi gjatë shfaqjeve
• Pjesëmarrja në audicione.

• Të kenë njohuri për teknikat dhe teoritë e nevojshme për të zhvilluar, krijuar dhe performuar vepra artistike, p.sh. muzika, artet pamore, drama, valle etj.
• Të jenë në gjendje të mbajnë mend informacione të tilla si fjalët, numrat dhe fotografitë
• Të kenë njohuri për metodat dhe teknikat e medias dhe të komunikimit
• Të kenë mendim kritik dhe shkathtësi të menaxhimit të kohës
• Të jenë në gjendje të komunikojë në mënyrë të qartë dhe efektive
• Të kenë shkathtësi për të shkruar, lexuar dhe dëgjuar.

Aktorët punojnë në mjedise të ndryshme p.sh. teatro, televizion, studio të filmave, salla të koncerteve etj. Puna ka tendencë të jetë stresuese për shkak të pritshmërive të mëdha, afateve dhe provave të përsëritura. Ata gjithashtu duhet të udhëtojnë dhe kanë tendencë të largohen nga shtëpitë e tyre për periudha të gjata kohore.

Në varësi të shfaqjeve, aktorët përdorin skenat, studiot, objektet e përditshme dhe pajisje të avancuara p.sh. kamera, mikrofona, regjistrues të zërit, kompjuterë etj. Varësisht nga roli i aktorit, atyre u kërkohet të veshin kostume dhe të grimohen.

Aktori duhet të përfundoj studimet e larta për aktrim, mirëpo aktor mund të bëhesh edhe pa ndonjë shkollim formal, mjafton të kesh talent dhe të ndjekësh trajnime profesionale.