Antropolog/-e

Antropologët studiojnë çdo aspekt të njerëzimit, duke filluar nga anatomia njerëzore dhe evolucioni, deri tek objektet e lashta dhe kulturat. Ata shqyrtojnë mënyrat e jetesës, gjuhët, mbetjet arkeologjike, karakteristikat fizike të njerëzve në pjesë të ndryshme të botës, zakonet, vlerat, modelet shoqërore etj.

• Planifikimi i hulumtimeve për të iu përgjigjur pyetjeve dhe për të testuar hipotezat për njerëzimin
• Zhvillimi i metodave për mbledhje të të dhënave të përshtatshme për një projekt apo kulturë
• Mbledhja e informacioneve prej vëzhgimeve, intervistave dhe dokumenteve
• Analizimi i të dhënave, mostrave prej laboratorit, dhe burimeve të tjera për të kuptuar jetën e njeriut, kulturën dhe origjinën
• Shkrimi i raporteve dhe prezantimi i të gjeturave të tyre
• Këshillimi i organizatave për ndikimin kulturor të planeve të propozuara, politikave dhe programeve

• Të ketë shkathtësi analitike dhe hulumtuese
• Të ketë shkathtësi të të menduarit kritik
• Të kenë interesim për shkencat shoqërore
• Të ketë shkathtësi të shkrimit dhe komunikimit
• Të kenë interesim në studim të kulturave dhe sjelljeve njerëzore

Antropologët punojnë në institucione të hulumtimit, kolegje dhe universitete, muze, firma konsultimi, dhe departamente të ndryshme të qeverisë. Shumica e antropologëve punojnë në zyre, ku edhe orari i punës është i rregullt, ndërsa disa të tjerë mbledhin të dhëna në terren dhe analizojnë mostra në laborator. Puna jashtë zyrës përfshin udhëtime, e ndonjëherë edhe orar të zgjatur.

Antropologët përdorin mjete dhe teknologji të sofistikuar për punën e tyre. Pajisjet e përdorura ndryshojnë nga detyra, por ato shpesh përfshijnë mjete gërmuese, softuare statistikor dhe për mbatje të të dhënave, vegla gjeofizike, sisteme të informacionit gjeografik dhe pajisje laboratorike.

Antropologët duhet të kenë të perfunduar nivelin Master në antropologji. Përvoja e punës është poashtu me rëndësi. Personat me nivelin Bachelor në ketë drejtim mund të punojnë si asistentë apo tē angazhohen në hulumtime.