Asistent/-e i/e kujdesit social

Asistentët e kujdesit mbështesin dhe ndihmojnë njerëzit duke u kujdesur për nevojat e tyre sociale, psikologjike, fizike dhe emocionale. Asistentët e kujdesit social punojnë me individë, grupe, familje, institucione dhe publikun.

• Sigurimi i ndihmës personale për jetën e përditshme të klientëve dhe këshillimi rreth shëndetit të tyre
• Sigurimi i kujdesit mjekësor dhe mbështetjes emocionale të klientëve
• Vizita e klientëve në shtëpitë e tyre dhe intervistimi i tyre në lidhje me nevojat dhe historinë e tyre sociale
• Monitorimi i aktiviteteve të klientëve në lidhje me të ushqyerit e tyre
• Përpilimi i raporteve dhe ruajtja e dokumenteve me informata të duhura në bashkëpunim me klientët
• Bashkëpunimi me profesionistë të tjerë për vlerësimin e nevojave të klientëve.

• Të kenë njohuri të shkëlqyera në psikologji, duke përfshirë sjelljen e njerëzve, interesat, aftësitë dhe dallimet individuale në personalitet
• Të kenë njohuri rreth orientimit dhe këshillimit në karrierë
• Të kenë shkathtësi të shkëlqyera në komunikim dhe vendimmarrje
• Të kenë shkathtësi të mendimit kritik dhe zgjidhje të problemeve komplekse
• Të jenë të aftë të sjellin ide kreative që t’i ndihmojnë klientët e tyre.

Asistentët e kujdesit social punojnë në ambiente të ndryshme, siç janë: shkollat, shtëpitë e pleqve, spitalet, klinikat private e kështu me radhë. Varësisht nga shërbimet që ata ofrojnë, asistentët e kujdesit social nganjëherë i vizitojnë klientët në shtëpitë e tyre ose organizojnë takime grupore në objekte të ndryshme të qytetit.

Asistentët e kujdesit social përdorin pajisje si kompjuterët apo laptopët, telefonat dhe fotokopjuesit. Varësisht nga fusha e tyre e specializimit, ata përdorin pajisje ndihmëse për këshillim si lodra të fëmijëve, pajisje për art dhe teste psikologjike.

Që të bëheni asistent i kujdesit social kërkohet shkollimi i mesëm profesional, kurse trajnimet shtesë janë më se të vlerësuara.