Logoped/-e

Logopedët, të quajtur ndryshe edhe terapistë të të folurit, vlerësojnë, diagnostikojnë, trajtojnë dhe ndihmojnë pacientët për parandalimin e problemeve në komunikim dhe gëlltitje.

• Komunikimi me klientë dhe testimi i tyre për të vlerësuar nivelin e të folurit dhe problemet eventuale
• Identifikimi i opsioneve për trajtim
• Krijimi dhe realizimi i një plani individual për trajtim të klientit
• Mësimi i klientëve si të shqiptojnë një tingull dhe të përmirësojnë të folurin e tyre
• Mësimi i metodave të komunikimit alternativ si gjuha e shenjave për pacientët me më pak kapacitet për të folur
• Aftësimi i pacientëve në lexim dhe shkrim
• Këshillimi i pacientëve dhe familjeve se si të përballen me problemet në komunikim

• Të kenë aftësi komunikimi dhe dëgjimi
• Të bashkëndjejnë me klientë dhe t’i mbështesin ata emocionalisht
• Të jenë të drejtuar nga detajet
• Të jenë të durueshëm dhe bashkëpunues
• Të kenë shkathtësi të të menduarit kritik

Logopedët punojnë në zyre, në shkolla, në shërbime mjekësore si spitale apo klinika ose në shtëpi të pacientëve. Orari i tyre i punës është i rregullt. Ata mund të bashkëpunojnë me punëtorët e tjerë të shëndetit si kirurgët, punëtorët social, psikologët, mësues e prindër.

Logopedët mund të përdorin teknologji për analizimin akustik të zërit, gjuhës dhe kontrollimit të lëvizjeve për gëlltitje dhe të folur. Për vlerësim, logopedët përdorin teste të ndryshme diagnostikuese.

Për t’u bërë logoped duhet të përfundohet niveli Bachelor i logopedisë apo të ngjashme.