Manager

Menaxherët janë përgjegjës për planifikimin, udhëheqjen, orientimin dhe mbikëqyrjen e të gjitha veprimeve dhe suksesit të një biznesi, departamenti ose një njësie veprimi brenda një organizate. 

• Përzgjedhja e stafit, orientimi i tyre dhe në disa raste organizimi i trajnimeve
• Krijimi dhe mirëmbajtja e një mjedisi të sigurt dhe ligjor të punës
• Ndarja e detyrave për personat e punësuar, udhëzimi dhe monitorimi i punës së tyre
• Vendosja e objektivave, politikave, procedurave dhe standardeve të punës
• Udhëheqja e punëtorëve që të arrijnë pritjet e organizatës për produktivitet, kualitet dhe përmbushje të qëllimeve
• Menaxhimi i buxhetit, financave dhe aktiviteteve të departamentit
• Planifikimi, vlerësimi dhe përmirësimi i suksesit të biznesit dhe procedurave për të përmirësuar efikasitetin dhe rezultatet
• Ndikimi në zhvillimin dhe avancimin e punonjësve

• Të  kenë njohuri dhe eksperiencë në biznes, mbikëqyrje dhe menaxhim
• Të kenë shkathtësi të shkëlqyera në komunikim dhe shkrim
• Të jenë të shkathtë në udhëheqësi, organizim dhe motivim
• Të kenë njohuri elementare në parimet dhe praktikat ekonomike, buxhetore dhe të kontabilitetit
• Të kenë shkathtësi të shkëlqyera kompjuterike, në veçanti të Microsoft Office
• Të jenë kreativ
• Të kenë etikë të lartë të punës

Kushtet e punës për menaxher ndryshojnë varësisht se në cilën fushë e ushtrojnë këtë profesion. Në përgjithësi, ata punojnë në zyrë dhe mjedisi i tyre është i qetë, ose mund të jenë në lëvizje duke marr pjesë në mbledhje dhe takime të ndryshme. Orari i tyre i punës në të shumtën e rasteve është i rregullt.

Menaxherët përdorin pajisje të zyrës si tabelat në mur, telefon, kompjuter, printer dhe fotokopje. 

Menaxherët duhet të kenë së paku të përfunduar nivelin Bachelor në menaxhment, biznes apo ndonjë fushë të ngjashme dhe të kenë përvojë pune para se të fitojnë titullin si menaxher. Ata po ashtu mund të diplomojnë në ndonjë fushë tjetër dhe me eksperiencë të fitojnë shkathtësi për të ushtruar profesionin e menaxherit. Profesioni i menaxherit përfshinë shumë nëndegë dhe shumica e këtyre degëve të këtij profesioni kërkojnë përfundimin e nivelit të katërt të aftësive SNKP, mirëpo në disa degë pranohet edhe niveli i tretë i SNKP-së.