Menaxher/-e i/e mirëqenies sociale

Menaxherët e mirëqenies sociale kujdesen për mirëqenien e fëmijëve dhe familjarëve në nevojë, duke ofruar shërbime të ndryshme si këshillim, grupe mbështetëse, programe edukative dhe duke ndihmuar me çështje praktike si ndihmat financiare, sigurimi i akomodimit e të ngjashme.

• Përzgjedhja e stafit për mirëqenie sociale
• Hulumtimi dhe analizimi i komunitetit në nevojë për ndihmë
• Planifikimi dhe implementimi i programeve që plotësojnë nevojat sociale dhe emocionale të personave në nevojë
• Bashkëpunimi me mjek, infermier, persona në nevojë dhe familjarë të tyre
• Monitorimi i progresit të programeve të implementuara
• Koordinimi dhe mbikëqyrja e aktivitetit të punonjësve në këtë departament
• Përgatitja e buxhetit dhe raporteve të departamentit

• Të jenë të matur emocionalisht
• Të kenë dëshirë të ndihmojnë të tjerët
• Të jenë shumë të organizuar
• Të kenë shkathtësi të larta të komunikimit
• Të kenë shkathtësi udhëheqëse dhe monitorimi
• Të mos jenë diskriminues

Menaxherët e mirëqenies sociale janë të punësuar nga agjencitë qeveritare ose nga organizatat jo-qeveritare. Ata krijojnë një mjedis të sigurt për familjet në nevojë, si p.sh. personat me nevoja të veçanta, viktimat e abuzimit, personat e pa strehë, fëmijët e braktisur etj. Menaxherët e mirëqenies sociale punojnë në zyre dhe orari i tyre i punës zakonisht është i rregullt.

Menaxherët e mirëqenies sociale përdorin pajisje të zyrës si kompjuter, printer dhe fotokopje. 

Menaxherët e punës sociale zakonisht kanë të mbaruar nivelin Bachelor ose Master në punë sociale, psikologji, administrim biznesi apo të ngjashme. Për t’u punësuar si menaxher kërkohet përvojë pune paraprake si punëtor social.