Mikrobiolog/-e

Mikrobiologët studiojnë strukturën, zhvillimin dhe karakteristikat e mikroorganizmave. Ata kryejnë hulumtime mbi këta organizma dhe efektet e tyre në mjedis dhe kafshë, si dhe efektet e antibiotikëve në mikroorganizma.

• Hulumtimi i parazitëve dhe klasifikimi i organizmave bazuar në karakteristikat e tyre
• Izolimi i mikroorganizmave dhe mirëmbajtja e temperaturës dhe ajrosjes së tyre
• Hulumtimi i përdorimit të mikroorganizmave për krijimin e substancave kimike
• Zbulimi i mikroorganizmave të dëmshëm duke testuar ujin, ushqimin dhe mjedisin
• Shkrimi i raporteve dhe propozimeve bazuar në rezultatet e hulumtimeve.

• Të kenë njohuri në mikrobiologji, biologji molekulare, virologji dhe kimi
• Të kenë njohuri për teknikat e ndryshme laboratorike për mbledhjen e të dhënave
• Të kenë aftësi në monitorim dhe zgjidhje të problemeve komplekse
• Të jenë të aftë të mbledhin mostra dhe të analizojnë të dhëna biologjike
• Të jenë të aftë të zbulojnë mikroorganizma duke përdorur mjetet laboratorike
• Të jenë të aftë të përdorin metodat shkencore për të përmirësuar njohuritë e përgjithshme për mikroorganizmat.

Mikrobiologët më së shumti punojnë në laboratorë, por mund të punojnë edhe në hapësira tjera kur iu duhet të mbledhin mostra. Për shkak se punojnë me lloje të ndryshme të mikroorganizmave, kushtet e tyre të punës mund të konsiderohen të rrezikshme për shëndetin dhe sigurinë e tyre.

Mikrobiologët përdorin pajisje të ndryshme laboratorike, të tilla si mikroskopët, centrifugat, pH metrat, inkubatorët, homogjenizatorët, mikrobalancuesit, sistemet e filtrimit të membranës dhe të tjera. Ata po ashtu përdorin mantele dhe doreza mbrojtëse për të qenë të sigurt gjatë punës.

Për t’u bërë mikrobiolog duhet të përfundohet niveli bachelor në mikrobiologji ose ndonjë degë të përafërt, p.sh. si biokimia. Është e rëndësishme që mikrobiologët të bëjnë punë praktike gjatë studimeve të tyre.