Mirëmbajtës/-e i/e objektit

Mirëmbajtësit e objektit organizojnë, mbikëqyrin dhe kryejnë funksione mirëmbajtjeje për të mbajtur me rregull objektin dhe pajisjet apo makinat brenda tij.

• Organizimi dhe mbikëqyrja e pastruesve dhe stafit tjetër të mirëmbajtës
• Blerja ose kontrollimi i blerjes së furnizimeve
• Inspektimi, diagnostikimi dhe zgjidhja e problemeve eventuale
• Pastrimi i përgjithshëm i objektit
• Takimi me klientë për të vlerësuar riparimet e nevojshëm dhe çmimin
• Mbajtja e të dhënave rreth punës së tyre
• Raportimi tek menaxheri

• Të kenë një qëndrim pozitiv dhe të adresojnë problemet e klientëve
• Të jenë vigjilent
• Të kenë duar të shkathëta
• Të jenë të vëmendshëm ndaj detajeve
• Të kenë qëndrueshmëri dhe forcë fizike

Mirëmbajtësit e objektit mund të punojnë në hotele, ndërtesa për banim, spitale, në institucione të sistemeve hidraulike, elektrike, ajrore, të ngrohjes etj. Mirëmbajtësit e objektit duhet të qëndrojnë në këmbë për orë të gjata. Po ashtu puna e tyre kërkon përkulje dhe ndonjëherë edhe bartje të objekteve. Këta punëtor mund të punojnë në mjedise jo shumë të përshtatshme si të nxehta ose të ftohta, të zhurmshme ose me pluhur. Shumica punojnë me orar të plotë.  

Mirëmbajtësit e objektit përdorin vegla të dorës si kaçavida, sharra, çekiçë, mjete për shpim dhe ngushtim e të ngjashme si dhe pajisje për pastrim. Disa mirëmbajtës objekti duhet të veshin uniformë.

Mirëmbajtësit e objektit mësojnë disa shkathtësi bazike në shkollë të mesme teknike. Për tu punësuar në këtë profesion nuk nevojitet ndonjë kualifikim formal. Shumica fillojnë me disa punë më të thjeshta dhe vijnë duke u avancuar.