Nallban/-e

Nallbanët kontrollojnë, prejnë dhe u japin formë potkonjve që ti përshtaten shputës së kuajve, kjo bëhet në raste garash me kuaj apo gjatë përkujdesjes normale. 

• Pastrimi i shputave të kuajve
• Prerja e thonjve të kuajve
• Formësimi i potkonjve

• Të jenë të aftë të menaxhojnë kohën
• Të jenë të orientuar në shërbime
• Të kenë qëndrueshmëri  dhe fizik të mirë
• T’i duan kafshët

Nallbanët zakonisht janë të vetë punësuar. Orari i punës është fleksibil dhe përfshinë vikendet. Ndonjëherë nga ta kërkohet të udhëtojnë në ferma, shkolla të kalërimit dhe stalla. Kjo punë është punë fizike që kërkon qëndrueshmëri dhe fizik të mirë. Puna kryhet në ambiente të hapura dhe në kushte të ndryshme atmosferike.

Veglat e punës së nallbanëve janë: prerëset e thonjve, thikat e nallbanëve, çekanët, mbajtëset, matëset e potkonjve etj.

Ky profesion mund të ofrohet në disa shkolla profesionale, mirëpo në të kundërtën ky zanat mund të fitohet gjatë trajnimit në vendin e punës.