Ndërtues/-e i/e konstruksioneve të hekurit

Ndërtuesit e konstruksioneve të hekurit instalojnë elemente të hekurit në struktura. Ata ndërtojnë korniza çeliku për ndërtesa, ura dhe projekte të tjera të ndërtimit. Gjithashtu vendosnin shufra metalike, ose armaturë, për të formuar beton të përforcuar.

• Prerja dhe lidhja e elementeve të hekurit
• Aplikimi i teknikave të saldimit me hark
• Aplikimi i teknikave të saldimit me spot
• Inspektimi i furnizimeve të ndërtimit
• Interpretimi i planeve 2D dhe 3D
• Aplikimi i ngjyrave përforcuese
• Puna në mënyrë ergonomike

• Të kenë aftësi teknike dhe praktike  
• Të kenë qëndrueshmëri dhe fizik të mirë  
• Të jenë të aftë të ndjekin instruksionet e projekteve  
• Të jenë të gatshëm të punojnë në lartësi
• Të jenë në gjendje të punojnë si pjesë e grupit  

Ndërtuesit e konstruksioneve të hekurit punojnë në punishtet e ndërtimit. Kushtet e punës mund të jenë të zhurmshme, të ndyta dhe nganjëherë bëhen në lartësi të mëdha. Ata zakonisht punojnë jashtë, kështu që kushtet e këqija të motit mund të zvogëlojnë aktivitetin e punës. Rrezikshmëria është e lartë prandaj punëtorët duhet të përdorin pajisje sigurie, të veshin rroba mbrojtëse dhe të jenë në përputhje me udhëzimet e rrepta të sigurisë.

Ndërtuesit e konstruksioneve të hekurit përdorin disa vegla mekanike dhe elektrike të dorës. Ata punojnë me shufra çeliku, blloqe çeliku dhe struktura të rrjetëzuara të hekurit. Përderisa shpesh punojnë në lartësi të mëdha atyre u duhet të përdorin shkallët, skelet ose liftat e ndërtimtarisë. Atyre u kërkohet të përdorin gjithashtu pajisje mbrojtëse si helmetat, çizmet e punës, dhe rroba mbrojtëse.

Profesioni i ndërtuesit të konstruksioneve të hekurit praktikohet pasi të përfundohet një trajnim i cili ofrohet edhe ne shkolla të mesme profesionale.