Nëpunës/-e kontabiliteti

Nëpunësit e kontabilitetit ndihmojnë kontabilistët në menaxhimin dhe mirëmbajtjen e regjistrave financiar të bizneseve. Ata përdorin librat e blerjeve dhe shitjeve, programet kompjuterike të kontabilitetit dhe forma tjera të menaxhimit.

• Grumbullimi i faturave
• Regjistrimi i faturave
• Kontrollimi i rrjedhës së parasë
• Përpilimi i raporteve statistikore
• Analizimi i investimeve
• Interpretimi i të dhënave

• Të kenë aftësi organizative
• Të kenë aftësi matematikore
• Të jenë metodik dhe logjik
• Të kenë aftësi analitike
• Të jenë të vëmendshëm dhe të fokusuar

Nëpunësit e kontabilitetit shumicën e kohës punojnë në zyrë kontabiliteti ose në departamentin administrativ të bizneseve sikurse fabrika ose dyqane. Ata punojnë së bashku me analistët dhe menaxherët tjerë financiarë në regjistrimin dhe menaxhimin e faturave. Synimi kryesor është të sigurohen që pagesat e marra ose të paguara janë të regjistruara në mënyrë të rregullt.

Nëpunësit e kontabilitetit përdorin forma tradicionale ose forma të reja digjitale për mbajtjen dhe menaxhimin e librave financiar. Nëpunësit e kontabilitetit përdorin kompjuterë me programe kontabiliteti, telefon, printer, fotokopje, faks etj.

Që të bëheni nëpunës i kontabilitetit duhet të përfundoni kualifikimet formale të nivelit të 5-të në ekonomi. Më pas rekomandohet të kryhen certifikime tjera të cilat ndihmojnë në kualitetin dhe kredibilitetin tuaj si nëpunës kontabiliteti.