Teknik/-e i/e ortopedisë

Teknikët e ortopedisë, ndihmojnë ortopedët dhe kirurgët në kujdesin dhe trajtimin e pacientëve me probleme muskulo-skeletore si frakturat e kockave ose nyjat e dëmtuara. Ata ndihmojnë pacientët me informacionin e duhur mbi kujdesin si dhe zbatimin e teknikave shëruese.

• Pranimi i raporteve me shkrim nga mjekët ortoped
• Zgjedhja e pajisjeve të duhura ortopedike duke u bazuar në përshkrimin e mjekut
• Përpunimi, improvizimi, zbatimi, rregullimi dhe heqja e pajisjeve ortopedike
• Shpjegimi i procedurave dhe udhëzimi i pacientëve dhe familjarëve të tyre për mënyrën e vendosjes dhe largimit të pajisjeve ndihmëse
• Asistimi i mjekëve në aplikimin e pajisjeve ortopedike më të specializuara
• Asistimi i mjekëve në repartet e emergjencës
• Përgatitja e dokumenteve dhe të dhënave të pacientëve

• Aftësi të mira ndërpersonale kur merren me pacientët
• Njohuri të mira mbi anatominë dhe fiziologjinë
• Njohuri të shkëlqyera mbi protezat
• Të jenë në gjendje të shpjegojnë procedurat te pacientët
• Të jenë konfident
• Të kenë aftësi të shkëlqyera komunikimi dhe aftësi për të punuar me ekipin e trajtimit
• Të jenë të fort emocionalisht

Teknikët e ortopedisë punojnë në spitale publike ose private. Punohet me ndërrime si dhe gjatë vikendeve dhe festave. Uniforma është e domosdoshme. Ambienti i punës mund të jetë mjaft stresues, prandaj teknikët e ortopedisë duhet të kenë qëndrueshmëri dhe të jenë të fortë emocionalisht.

Teknikët e ortopedisë së bashku me ortopedët përdorin vegla të specializuara për ndërhyrje muskulo-skeletore. Ata gjithashtu përdorin aparatura për të mat pjesët e trupit, për të llogaritur lëvizjen, pastaj punojnë me gips, proteza, pajisje mbështetëse të mobilitetit si paterica, karrika lëvizëse etj.

Profesioni i teknikut të ortopedisë mësohet në shkollat e mesme profesionale.